أسئلة بتجلط ما بتسمعها إلا بالأردن
نايم بغرفتك على السرير ومطفي النور ومتلحف بالبطانية
بيجي واحد من أهلك ويفتح الباب عليك ويقول : إنتا نايم ؟؟
لا يمّا .. برقص على وحده ونص .. أكيد نايم يا بشر .......
______________________
معزومين عند ناس ورحتوا لبيتهم وأول ما فتحوا إلكم الباب قال إبنهم
إنتوا جيتــوا ؟؟
لا يا حبيبي.. لسه في الطريق أكيد جينا إنت إيش شايف ؟؟
________________________________________
لابس بدلة ومتعطر و متهندم وماخذ مفاتيح السيارة و المحفظة ومتجه إلى
باب البيت
يجي واحد من أهلك ويسألك : إنتا طالع مشوار ؟؟
لا يخو .. طالع على السطح أصلح خزان الميه.. أكيد طالع
مشوار يا عالم
___________________________________
ماسك سماعة التليفون و قاعد تدق أرقام
يجي واحد من أهلك وبسألك : بدّك
تحكي بالتليفون ؟؟
لا ياخالتي ... بدّي أتفرج على حلاوته و جماله... أكيد بدّي أتكلم بالزفت
_________________________________________
قاعد تسبح في حمام السباحة في البيت
يجي واحد من أهلك ويسألك : إيش بتسوي ؟ بتسبح ؟؟
لا يخو .. بغيّر زيت للسيارة.. أكيد بسبح (ويمكن معاها شخره)
________________________________________
ماسك كتاب و قاعد تقرا فيه
يجي واحد من أهلك ويسألك : إيش بتسوي ؟ بتقرا كتاب ؟؟
لا يا دللي .. بسلّك في مجاري البيت.. أكيد قاعد أقرا في كتاب
__________________________________________
مذيع تلفزيوني بسألك ليلة العيد في مقابلة في نص الشارع :
إيش بتسوي يوم العيد ؟ أكيد بتروح تسلّم على أهلك و تعيّد عليهم ....
لا يازلمه.. بروح أضربهم بالكندرة وأسوي معهم هوشة للسما .. أكيد رايح
أعيّد عليهم
________________________________________
نفس المذيع بشوف ولد بالشارع وبساله؟
حبيبي بتحب بابا وماما؟!!
لا يا عمو مابحبهم , بحب البوسنة والهرسك ... يعني اكيد بحبهم
موضوع: اسئله ما بتلاقيها غير بالاردن 
الإثنين يونيو 15, 2009 9:13 pm
