MMS مشرف
تاريخ الميلاد : 27/11/1990 العمر : 33 رايــــــــــــــــــــــــــــــــــق تاريخ التسجيل : 01/05/2009 عدد المساهمات : 163 نقاط : 5878
| موضوع: قصة ما قبل النوم الإثنين يونيو 08, 2009 7:06 pm | |
|
.ExternalClass #EC_yiv976515391 #EC_yiv1298362917 #EC_yiv2009829639 #EC_yiv1873040593 .EC_hmmessage P {padding:0px;} .ExternalClass #EC_yiv976515391 #EC_yiv1298362917 #EC_yiv2009829639 #EC_yiv1873040593 {font-size:10pt;font-family:Verdana;}
[size=21][size=21]الملك الطفيلي و بناته الثلاثة
كان يا ما كان في قديم الزمان.
ملك طفيلي عنده ثلاث بنات حب في يوم من الأيام انه يختبر حبهم اله
جاب الكبيرة (وجه البكسة).
وقاللها: يابا يا حبيبتي قديش بتحبي أبوكي الملك؟ البنت من غير تفكير : بحبك قد ما السمك بحب البحر الملك فكر وقال في باله : ايهو السمك ما بقدر يعيش
بدون بحر هاي البنت بتحبني كتير . وقال الها :
أنا كنت عارف انك بتحبيني بس مش لهدرجة .
وقام اعطاها قصر كبير ومجوهرات جاب البنت التانية ( واسطة العقد ) وسألها نفس السؤال .
فقالتله : بحبك قد ما الطير بحب السما .
انبسط الزلمة وكيف . وأعطاها قصر جنب أختها ومجوهرات وميمعة بعدين جاب البنت الصغيرة ( اخر العنقود اللي بموت فيها )
وسألها نفس السؤال . قامت جاوبته : بحبك قد ما الدقة بتحب الشطة الزلمة زعل وعصب وقام لفحها كف خلا أيديها و رجيلها اربعة
ومسكها من شعرها وزتها برة القصر . وما رضي يسمع منها ولا نص كلمة .
البنت دارت بالحواري وعلى أرصفة الطرقات وتسمع كلمة من هاد
وكلمتين من هداك . لغاية ما ربنا حن عليها و أجاها مزارع
مسكين على باب الله حبها وحبته وراحوا سكنو بالكوخ تبعه
اللي بنص الغابة ودارت الأيام ومرت الأيام ما بين بعاد وخصام
وفي يوم من الأيام كان الملك قاعد بتصيد بالغابة ونسي
حاله وسرح وضاع بالغابة.
دور على المرافقين . ولا هم هون .
طيب الحرس . فص ملح و داب .
وين الشباب؟؟؟؟؟؟؟؟ لا حياة لمن تنادي .
ظل الملك يمشي ويمشي .لغاية ما لقي
هالكوخ لصغير قال يلا بفوت برتاح وباكلي لقمة.
دق على الباب فتحلوا صاحب البيت وهو مش عارفه.
دخلوا جوا وهو شايفه تعبان.. وصار يحكي مع الزلمة.
مرته مش خافي عليها الصوت.
قام الزلمة بيقول للمرة اذبحيلنا جاجتين خلينا نتعشى ونعشي الضيف.
المرة مين طبعا ؟؟؟؟؟؟؟؟؟ واضحة بنت الملك المقصوفة الصغيرة بدت تشتغل بالجاجات وخطر على بالها فكرة.
نادت جوزها وقالتله خود شوية الدقة هاي مع
صحن زيت سلكو فيهم لغاية ما يخلص الاكل
شكله الزلمة ميت من الجوع والله الزلمة عجبته الفكرة وقام حط الزيت
والدقة قدام الملك وقاله: اتفضل يا عمي
على بين ما يجهز الاكل . الملك ميت جوع
وهو بحب الدقة كتير. ما بلع اول لقمة ولا صار بده يستفرغ وصاح بالزلمة : ولكو شو هاظ دقة من غير شطة ؟؟؟
كيف بتاكلوها هاي؟؟؟؟؟؟؟؟؟؟؟
وفجأة اتذكر بنته الصغيرة وصار يعيّط زي الهبايل .
قاله الزلمة: ول، شو مالك يا زلمة انت العاقل ..
كل هاظ مشان شوية دقة هسة الجاج
بخلص...قلعطتني...شو هالعالم هاي.
راح الملك حكى للزلمة القصة .
وهو خلص من هون نطت البنت وقالت :
بخخخخخخخخخ ،،، كيفك يابا؟ عرفت قديش بحبك يا اهبل ؟؟؟؟؟؟ وهيك عرف الملك قديش بتحبه بنته .
وجابتله دقة بشطة .. طبعا ما أكل منها ولا لقمة لأنه نزل بالجاج جرد و أعطاها قصرين و مجوهرات و سوبر ماركت
و كروز دخان علشان هي بتأرجل،
وشغل جوزها شفير على باص كوستر على خط الجامعة الأردنية [/size][/size] | |
|
daloo3 عضو نشيط
تاريخ الميلاد : 08/06/1992 العمر : 32 كوووووووووووووووووووول تاريخ التسجيل : 29/04/2009 عدد المساهمات : 639 نقاط : 6305
| موضوع: رد: قصة ما قبل النوم الثلاثاء يونيو 09, 2009 9:19 pm | |
| | |
|
MMS مشرف
تاريخ الميلاد : 27/11/1990 العمر : 33 رايــــــــــــــــــــــــــــــــــق تاريخ التسجيل : 01/05/2009 عدد المساهمات : 163 نقاط : 5878
| موضوع: رد: قصة ما قبل النوم الأربعاء يونيو 10, 2009 1:02 am | |
| هلا دلع دايما اول وحدة بتعلقي فعلا العضو المميز متل التكسي المميز صرتي هههههه
| |
|
دايخ في زمن بايخ مشرف
تاريخ الميلاد : 07/05/1989 العمر : 35 رايق تاريخ التسجيل : 09/05/2009 عدد المساهمات : 165 نقاط : 5826
| موضوع: رد: قصة ما قبل النوم الخميس يونيو 11, 2009 4:21 am | |
| يسلمو مجدي حلوه القصه بتجنن حبيبي انتا تعال كل يوم احكيلي قصه مشان انام متل هيك | |
|
MMS مشرف
تاريخ الميلاد : 27/11/1990 العمر : 33 رايــــــــــــــــــــــــــــــــــق تاريخ التسجيل : 01/05/2009 عدد المساهمات : 163 نقاط : 5878
| موضوع: رد: قصة ما قبل النوم الخميس يونيو 11, 2009 3:26 pm | |
| بس في مشكلة مازن انا خليلي مش طفيلي هههههههه
| |
|
ღmarahღ مشرفه
تاريخ الميلاد : 27/05/1994 العمر : 30 شاربه عصير نغنشينو تاريخ التسجيل : 28/04/2009 عدد المساهمات : 1185 نقاط : 6932
| موضوع: رد: قصة ما قبل النوم الخميس يونيو 11, 2009 6:39 pm | |
| هههههههههههههههه والله حلوه القصه يا مجدي بخخخخخخخخخخ ههههههههههههههههههه ميرسي
| |
|
MMS مشرف
تاريخ الميلاد : 27/11/1990 العمر : 33 رايــــــــــــــــــــــــــــــــــق تاريخ التسجيل : 01/05/2009 عدد المساهمات : 163 نقاط : 5878
| موضوع: رد: قصة ما قبل النوم الجمعة يونيو 12, 2009 7:07 pm | |
| | |
|