مسطول بيكتب مسلسل + تعبان ابو لمعة

مسطول بيكتب مسلسل

مدير الشركه قال للسكرتيره عندنا انا وانتي رحلة عمل اسبوع رتبي امورك السكرتيره
اتصلت على زوجها قالتله عندي رحلة مع مديري اسبوع انت دبر امورك

الزوج اتصل على عشيقته قال لها ... زوجتي هتسافر اسبوع خلينا الاسبوع مع بعض

العشيقه تعمل مربية لـ ولد صغير اتصلت قالت له ... انا عندي شغل اسبوع كامل مش هقدر أجيلك

الولد الصغيراتصل بجده قاله جدو المربيه عندها شغل
اسبوع كامل مش هتيجي خلينا كل يوم نروح مكان و نغير جو

الجد طلع نفسه هو مدير الشركه ,,, اتصل على السكرتيره قالها
الغى الاجتماع لاني مشغول مع حفيدي
السكرتيره اتصلت على زوجها
قالت له ... أتلغت الرحلة وراجعه للبيت

الزوج اتصل على عشيقته قال لها ... زوجتي مش هتسافر مقدرش اشوفك
العشيقه اتصلت على الولدالصغير
قالت له ... لا خلاص مفيش عندي شغل وهجيلك
الولد اتصل على جده
قال له ... لا جدو المربيه جاية خد راحتك
الجد رجع اتصل على سكرتيرته
قال لها ... حضرى نفسك لازم نسافر للاجتماع
و إلى الان لم تحدد الحلقة الاخيره

-----------------------------------------------------------------------------------------------
-----------------------------------------------------------------------------------------------
-----------------------------------------------------------------------------------------------

تعبان ابو لمعة

ابو لمعة: شوف يا خواجة وانا في اخر رحلة لي في الاسكيمو كنت لابس
الجلابية الدبلان المخططة بتاعت اخويا شلبي ومقيل تحت شجرة جيلاتي بيني
وبينك انا نمت وانا فاتح بقى عشان اول ما حتة جيلاتي تستوي تقع في بقى على
طول بس لجل البخت الاسود تعبان شاف بقى مفتوح افتكره جحر راح دخل فيه
الخواجة بيجو: دا اكيد تعبان صغير بقى اللي عرف يدخل بقك ده؟
ابو لمعة: صغير مين يا خواجة ده طوله 700 متر
الخواجة بيجو: يا سلام دخل التعبان اللي طوله 700 متر في بقك وانت نايم من غير ما تحس ولا تصحي
ابو لمعة: لا ما انا صحيت في نصه كده لقيته داخل جوه بطني قعدت اشد فيه وهو يتزفلط اشد فيه وهو يتزفلط لحد ما دخل كله جوه بطني
الخواجة بيجو: يا خبر ابيض وعرفت تطلعه
ابو لمعة: ابدا وحياتك عملت البدع عشان اطلعه مافيش فايدة اخر ما غلبت رحت قالع ونازله
الخواجة بيجو: نازله فين؟
ابو
لمعة : في بطني وهو شافني نازل راح واخد ديله في سنانه وطلع يجري وانا
وراه يدخل يمين وانا وراه يدخل شمال برضه وراه لحد ما دخ بيت الكلاوي راح
داخل البيت وقافل الباب على نفسه
الخواجة بيجو : طبعا معرفتش تدخل وراه و رحت مروح
ابو
لمعة: لا اروح الزاي انت عارف تحت بيت الكلاوي في واحد حلاق قلت اخش اخد
دقني واستنى التعبان لما يخرج نص ساعة كده ولقيته مطلع راسه من الباب بص
يمين بص شمال مشافنيش راح متسحب خارج رحت خاطف الموس من ايد الحلاق وهاجم
على التعبان شوف يا خواجة هي ضربة واحدة بالموس قسمته نصين
الخواجة بيجو : بضربة واحدة قسمت التعبان ال700 متر!
ابو لمعة : بالطول وحياتك